Жыл сайын 23 сәуірде Қазақстанда ерекше мереке – Ұлттық кітап күні атап өтіледі. Бұл күн сөзді, мәдениетті және ұрпақтан-ұрпаққа жалғасып келе жатқан білімді қадірлейтін жандарды біріктіреді. Кітап күні – жай ғана күнтізбедегі дата емес, ол әрбір адамның және тұтас қоғамның өміріндегі оқудың маңыздылығын еске салатын маңызды күн.
Ұлттық кітап күніне орай мектеп кітапханасында түрлі іс-шаралар ұйымдастырылып, өткізілді: «Барлық уақыттың әдеби шедеврлері» атты кітап көрмесі. Көрмеде уақыт сынынан өткен және әртүрлі ұрпақ үшін өзектілігін жоймаған шығармалар ұсынылды. Оқырмандарға қазақ жазушылары – М. Әуезов, І. Есенберлин, А. Беркімбаевтың «Дәуіт атаның ертегілері», «Ежелгі Қазақстан мифтері», Т. Тұрманжановтың «Ақ бота» және басқа да туындылары таныстырылды.
Кітап көрмесі аясында әңгімелер, шолулар жүргізіліп, бұл кітапханаға келушілердің қызығушылығын арттырды. Заманауи ToplQ-Mobil Box мобильді станциясын пайдалана отырып, кітапханада Алдар Көсе туралы қазақ ертегілері бойынша топтық оқу және талқылау өткізілді. «Алдар Көсенің ғажайып шапаны» ертегісі бойынша викторина ұйымдастырылды.
Жаңа технологиялардың арқасында кітапхана тек оқу орны ғана емес, сонымен қатар қарым-қатынас жасау және цифрлық білім алу кеңістігіне айнала алады. Ұлттық кітап күні қызықты әрі мазмұнды өтіп, оқушылардың кітап оқуға деген қызығушылығын арттырып, әдеби мұраға деген құрметін қалыптастырды.
