Жаңалықтар

«Оқуға құштар мектеп» бағдарламасы бойынша іс-шаралар жоспары аясында 1-4 сынып оқушылары арасында Қазақстан Республикасының Тәуелсіздік күніне арналған «Тәуелсіздік – теңдесі жоқ байлығым» тақырыбында мәнерлеп оқу сайысы өтті. Іс-шараның мақсаты: Көркем шығармаларды мәнерлеп оқуға қызығушылықты арттыру және сөйлеу мәдениетін дамытуға ықпал ету. Өз Отанына деген мақтаныш сезімін, туған жерін, оның салт-дәстүрін сүюге, құрметтеуге тәрбиелеу. Оқушылар Қазақстан туралы презентацияны тамашалады, мақал-мәтелдерді талдап, өлең оқыды. Байқауда қазақтың белгілі ақындарының өлеңдері орындалды. Іс-шара жоғары деңгейде өтті, балалардың Отанға деген мақтаныш сезімін, сүйіспеншілікті әрбір оқыған жолымен жеткізуге тырысқаны қуантады. Шара жеңімпаздарды марапаттаумен аяқталды. Олардың көпшілігі үшін бұл олардың алғашқы шағын жеңісі болды.