Жаңалықтар

Ілияс Есенберлин – шығармаларымен қазақтың көшпелі мәдениетін әлемге танытқан қазақтың тұңғыш ірі тарихи романшысы. Халықтың тарихи жадын қалыптастыруға үлес қосты. «Оқуға құштар мектеп» іс-шарасының жоспары аясында 8-сынып оқушылары арасында «Ілияс Есенберлин – Ұлы дала жыршысы» әдеби портреті өткізілді. Мақсаты: Отансүйгіштікке, еліміздің тарихи өткеніне құрметпен қарауға тәрбиелеу, І.Есенберлин шығармаларына қызығушылықты қалыптастыру, кітап оқуды насихаттау. Шара барысында қазақ тілі мен әдебиеті пәнінің мұғалімі Д.П.Джуминов балаларды жазушының өмірі мен шығармашылығымен таныстырды. Мектеп кітапханашысы жазушының 110 жылдығына арналған «Халық жазушысы» кітап көрмесіне ұсынылған әдебиеттерге шолу жасады. І.Есенберлиннің ең танымал шығармалары – қазақ халқының тарихын, мемлекеттілігінің қалыптасуын бейнелейтін «Көшпенділер» және «Алтын Орда» тарихи трилогиясы.