Ғарышкерлер күніне арналған онкүндік аясында Елецкий орта мектебінде физика пәнінің мұғалімі Болатова М.А. және география пәнінің мұғалімі Горбачева Т.Н. оқушылардың ғарышқа, ғылымға қызығушылығын және танымдық белсенділігін арттыруға бағытталған бірқатар іс-шаралар өткізді.
Бастауыш сынып оқушыларымен үзіліс кезінде «Ғарышқа секір» ойыны ұйымдастырылып, сондай-ақ балалардың шығармашылық қабілеті мен қиялын дамыту мақсатында «Ғарышты саламыз» атты сурет байқауы өткізілді.
5–6 сынып оқушылары үшін танымдық және логикалық тапсырмалардан тұратын «Ғарыштық саяхат» квест-ойыны ұйымдастырылды, ал 5–7 сынып оқушыларына ғарыш пен ғарышкерлер туралы бейнероликтер көрсетілді.
Шағын-орталық тәрбиеленушілерімен «Ғарышкерлер күні» тақырыбында танымдық сабақ өткізіліп, мерекелік көңіл-күй сыйлаған ғарыштық фотосессия ұйымдастырылды.
10-сыныпта физика сабағында білімдерін кеңейту және логикалық ойлау қабілеттерін дамыту мақсатында «Ғарыштық анаграммалар» атты бесминуттық жұмыс жүргізілді.
