1 наурыз күні Қазақстанда Алғыс айту күні атап өтіледі – бұл қазақстандық патриотизмнің, бірлік пен достықтың жарқын мерекесі. Мектеп кітапханасында бастауыш сынып оқушыларымен «Алғыс шекара танымайды» атты мейірімділік марафоны өткізілді.
Оқушылар мерекенің шығу тарихын қызығушылықпен тыңдап, шығармашылық тапсырмаға белсене қатысты: алдын ала дайындалған түймедақтың күлтелеріне алғыс сөздерін жазып, «жақсылық гүлін» құрастырды.
Іс-шара соңында оқушылар мақал-мәтелдер әлеміне саяхат жасап, оларды дұрыс құрастырып қана қоймай, мағынасын өз сөздерімен түсіндірді.
