23 қазан күні «Елецкий орта мектебі» КММ жанындағы мектепке дейінгі ұйымында «Республика күніне» арналған мерекелік іс-шара өтті.
Іс-шараның мақсаты – мектепке дейінгі жастағы балалардың азаматтық пен патриоттық сезімін қалыптастыру, халықтық дәстүрлерге құрметпен қарауға, еліміздің мәдениетін тануға баулу болды.
Мереке еліміздің Әнұранын орындаудан басталды.
Балалар «Менің Қазақстаным» әнін орындап, ұлттық қозғалмалы ойындар ойнады.
Республика туралы білімдерін дидактикалық ойындар арқылы бекітті.
Мерекелік шара шығармашылық жұмыспен және көне қазақ дәстүрі – «Шашу» рәсімімен аяқталды.
